---
title: "നേപ്പാൾ മിന്നൽ പ്രളയം: മരണം 162; എണ്ണൂറിലധികം പേരെ കാണാതായി, 142 ഇന്ത്യക്കാർ"
english_title: "Nepal Flash Flood Death Toll 162 Over 800 Missing 142 Indians"
publisher: "malayorashabdam.in"
canonical_url: "https://malayorashabdam.truevisionnews.com/news/380104/nepal-flash-flood-death-162-over-800-missing-142-indians-27082026`"
published_at: "2026-08-27T10:34:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a8fc573489da_1000257061.jpg"
keywords: ["Nepal Flood", "Flash Flood", "Nepal Death Toll"]
---

# നേപ്പാൾ മിന്നൽ പ്രളയം: മരണം 162; എണ്ണൂറിലധികം പേരെ കാണാതായി, 142 ഇന്ത്യക്കാർ

> **Lead Summary:** **കാഠ്മണ്ഡു:** നേപ്പാൾ മിന്നൽ പ്രളയത്തിൽ മരിച്ചവരുടെ എണ്ണം 162 ആയി. എട്ട് ജില്ലകളിൽ നിന്നായാണ് മൃതദേഹങ്ങൾ കണ്ടെത്തിയത്. 403 വിനോദ സഞ്ചാരികൾ ഉൾപ്പെടെ 844 പേരെ കാണാതായിട്ടുണ്ട്. ഇവരിൽ 341 പേർ വിദേശികളാണ്. 142 ഇന്ത്യക്കാരുമുണ്ട്. പ്രദേശത്ത് ഇപ്പോഴും രക്ഷാപ്രവർത്തനം തുടരുകയാണ്.

## Article Content

**കാഠ്മണ്ഡു:** നേപ്പാൾ മിന്നൽ പ്രളയത്തിൽ മരിച്ചവരുടെ എണ്ണം 162 ആയി. എട്ട് ജില്ലകളിൽ നിന്നായാണ് മൃതദേഹങ്ങൾ കണ്ടെത്തിയത്. 403 വിനോദ സഞ്ചാരികൾ ഉൾപ്പെടെ 844 പേരെ കാണാതായിട്ടുണ്ട്. ഇവരിൽ 341 പേർ വിദേശികളാണ്. 142 ഇന്ത്യക്കാരുമുണ്ട്. പ്രദേശത്ത് ഇപ്പോഴും രക്ഷാപ്രവർത്തനം തുടരുകയാണ്.

ചിത്വാൻ ജില്ലയിലെ താഴ്ന്ന പ്രദേശങ്ങളിൽ നിന്ന് 64 മൃതദേഹങ്ങളും നവൽപരാസി ഈസ്റ്റിൽ നിന്ന് 26 മൃതദേഹങ്ങളും കണ്ടെടുത്തു. 28 പോലീസ് ഉദ്യോഗസ്ഥരെയും കാണാനില്ല.

നേപ്പാൾ പ്രധാനമന്ത്രിയെ നരേന്ദ്ര മോദി ഫോണിൽ വിളിച്ച് അടിയന്തര സഹായം വാഗ്ദാനം ചെയ്തു. നേപ്പാളുമായി അതിർത്തി പങ്കിടുന്ന യുപിയിലും ബിഹാറിലും കേന്ദ്ര ജല കമ്മീഷൻ ജാഗ്രതാ നിർദേശം നൽകി. നേപ്പാളിൽ വീണ്ടും മിന്നൽ പ്രളയ സാധ്യതയുണ്ടെന്ന് ചൈന മുന്നറിയിപ്പ് നൽകിയിട്ടുണ്ട്.

ഭോട്ടെ കോഷി നദിയിൽ പെട്ടെന്നുയർന്ന വെള്ളം നുവാകോട്ട്, നാഡിങ് ജില്ലകളിലൂടെ പാഞ്ഞൊഴുകുകയായിരുന്നു. വീടുകളും വാഹനങ്ങളും പാലങ്ങളും തകർന്നു. ഗ്രാമങ്ങൾ ഒഴുകിപ്പോയി.

ടിബറ്റിൽ രേഖപ്പെടുത്തിയ 4.4 തീവ്രതയുള്ള ഭൂചലനത്തെ തുടർന്ന് വൻ ഹിമപാതവും മണ്ണിടിച്ചിലും ഉണ്ടാകുകയും, ഇത് നദിയിലെ സ്വാഭാവിക ഒഴുക്ക് തടസ്സപ്പെടുത്തി പ്രളയത്തിലേക്ക് നയിക്കുകയുമായിരുന്നു എന്നാണ് നിഗമനം.

വിനോദ സഞ്ചാരികളോടൊപ്പം 33 സുരക്ഷാ ഉദ്യോഗസ്ഥരെയും കാണാതായിട്ടുണ്ട്. പത്തോളം ടൂറിസ്റ്റ്, ട്രാവൽ ഏജൻസികളിൽ നിന്നുള്ള വിവരങ്ങൾ ശേഖരിച്ചാണ് നേപ്പാൾ ടൂറിസം ബോർഡ് കണക്ക് പുറത്തുവിട്ടത്.

### Related Links & Sources
- [Original Story Source](https://malayorashabdam.truevisionnews.com/news/380104/nepal-flash-flood-death-162-over-800-missing-142-indians-27082026`)